Kuch Rishte aise bhi...

zindagi me kabhi kabhi kuch aise rishtey bante hain jinka koi naam nahi hota,
koi pehchaan nahi hoti ye main isliye likh raha hu kyuki aisa ek baar mere saath bhi huaa hai...

kisi k saath mera bhi rishta juda tha lekin shayad ab wo rishta rishta nahi raha,
hum dono ki manzil alag alag ho gayi hai ab wo kahin aur or main kahin aur...
mujhe aisa sunne main aaya hai ki ab to uski wedding bhi ho gayi hai anyway hum baat kar rahe the rishton ki to wo kuch sukoon ke pal jo in rishton ki badaulat hamko naseeb hote hain wo bade anmol hote hain,
kuch rishtey benaam hi reh jaayein to hi achcha rehta hai.
ye rishtey hamari himmat bhi hote hain aur kai baar anjane me hi hamare muskurane ki wajah bhi,
kuch sawaal aise hote hain jinka koi jawaab nahi hota,
kuch pareshaniyaan aisi hoti hain jinka koi hal nahi hota,
par zindagi kahin bhi theharti nahi hai, ye apni gati se badhati hai...
aur iske saath me badhate hain hum...
par ye bhi sach hai ki zindagi jeene me aur katane me bahut fark hota hai...
tareef ki baat to tab hai jab dard me bhi lab muskurate rahein.
Hum zindagi ke nagme gungunate rahein aur aane wale kal ka besabri se intezaar karein.
ek aise kal ka jo yakeenan aaj se behtar hoga.
hazar takleefein jhelte hue bhi zindagi ko zindadili se jeene wale sabhi logon ko mera salaam.


~~kAmLeSh PaRiHaR~~

Ek din fursat ne....

ek din fursat ne, thaame haath hamare,
le gayi us dagar pe, jahan rehti hain baharein.
chal diye hum bhi ghar se, ho ke kuch bekhabar se,
dil tha apne bharose, hum the dil ke sahare.

raah me mod aaya, roshni ho gayi kam,
kuch dil ghabraya, ye kahan aa gaye hum
aage us mod ke bhi to baharein nahi thi
bhooli kuch khwahishein aur, khwab the bas hamare.

bewajah lag rahi thi, jab talash hamari,
ek khushbu uthi aur rut badal gayi saari,
saamne tum khade the, faila ke baahen
jaise har dard mera khud me loge samaye
pal bada mukhtasar tha, tere seene pe sar tha,
yun laga mar na jayen itni khushiyon ke mare.

ek din fursat ne thame haath hamare,
le gayi us dagar pe, jahan rehti hain baharein.


....shayad ye har insaan ka sapna hota hai ki koi aisa uski zindagi me aaye jo na sirf use khush rakhe balki uske aansu baantne se bhi na katraye. aise hi jazbaaton ko samne lata hai ye gana. ek lambe intejaar ke baad aayi hui khushi aur us khushi se chalke hue aansuon ki jhalak hai is gaane me..

MAA....!!!

Maa k anchal ko chor k beghane sehar me aa baitha hu,

thodi si chot pahuchtay hi maa ko yaad kiya karta hu.....

jab bhi akela baitha rehta hu unki yaad aati hai,

'beta' sunne ko ab kaan tarastay hai aur ankhain bhar jati hai....

hotel k pakwaan bhi fikay pad jate hai,

jab bhi maa k hantho ki bani rotiya yaad aati hai....

maa ka laadla hone k baad bhi aaj unse door rehta hu,

is liye mai khud ko kismatwala nahi balki badnaseeb kehta hu.....

maa tere hantho se ek niwala khanay ko dil taras raha hai,

jodhpur ka har pal ek kehar ban k mujhpay baras raha hai...

apne bete ko ghar wapis bula le,

fir se apne goud me mera sir rakh k mere baloo ko sehla de.....

mujhe jodhpur raas nahi aaya, mera jee nahi lagta hai,

puri azaadi milnay k baad bhi najanay ghar ki aur maan bhatakta hai....

tu chinta na kar, main ghar jaldi hi aaunga,

fir se tere hantho ki rotiya khaunga aur tujhse door na jaaunga.....

written by:
Kamlesh Parihar
(2/6/2007)

WISHWASS....

Insaan hu is liye paane ki ichaa se door nahi ja pata hu,

purani yaadein bhulana chahta hu par din be din unke kareeb aata hu...

kuch beetain pal maan me taklifye paida kar dete hai,

to kuch beetain pal chehre pe hassi ki fuljhariya bhar dete hai....

sikke k do pehlu ki tarah jeewan k bhi dono pehlu ko dekh liya,

jiski talaas me nikla tha, pass aane pe usi ka daaman chor diya....

waqt bhi na janay kaise kaise halaat paida kar deta hai,

ek pal me khushiya deta hai to dushre pal sabkuch chin leta hai....

mazburiyoo ne mutthi me mujhay jhakhda hua hai is liye kuch nahi kar pata,

shaayad aaj mazboori na hoti to jo loog sapne me soochtain hai, mai wo kar jata....

khushiya kabtak mujhse ruthi rahaingi,wapis wo mere ghar ki aur ghumaingi,

kal tarakki mujhe taj paihnaygi aur kaamyabhi mere kadam chumaingi......

kyu sahi kaha na....

Agar dil haa kehta hai to fir comment main koi kasar na chodna plz....Dil se darkhwast hai

aage aap par aashrit hai... agar response accha mila to continue...
warna Bharat Mata ki jai...

Nadi kinare shyaam jaaya na karo.....

aaj is geet ke bol mere man-mastishk me goonj rahe hain jo pata nahi kaise dheere dheere meri pehchan ban gaya hai. mere sabhi mitron ke, parichiton ke samne kisi choti moti mehfil me, ya fir kisi bade se jalse mein ye geet mein kitne baar gaa chuka hoon ye mujhe khud bhi yaad nahi hai. is geet se mera parichay kab hua ye to mujhe sure yaad nahi par mujhe itna jarur yaad hai jab main 8th class main tha or hamari school se NCC camp me main 10 din k liye jodhpur gaya tha tab waha hamare daily night main singing competition hota tha or waha mujhe acchanak khada kar ke koi gaana sunane ko kaha gaya tab maine ye hi gana gaya tha tab se jab bhi mujhe apni pasand ka gaana sunane ke liye kaha jaata hai to mujhe ye hi geet yaad aata hai. us din se aaj tak bas yahi geet hai jo hamesha mere hoothon par rehta hai. aalam ye hai ki koi neend se utha kar gaana gaane ko kahe to yahi gaaunga.is geet ke shabdon me itni taakat hai ki geet ki shuruwaat ke saath mahaul sanjeeda hona shuru hota hai, sabhi sunne waale saath saath main gana shuru kar dete hai jhilmilane lagte hain aur khatm hone par sabke hoothon par ek bheegi si muskurahat dikhai padati hai.
aisa mana jaata hai ki kisi gaane ko har baar sunane par kuch naya seekhne ke liye milta hai. phir chahe wo sur ki koi baareeki ho ya zindagi ki sacchai. is gaane main har insaan ka jivan pratibimbit hota hai. isliye shayad mujhe aaj tak aisa koi bhi nahi mila jiski aankhen ye geet sunkar na jhilmilayi ho. bahut dino se iske baare me likhna chahta tha par shabd saath nahi de rahe the or na hi aisa koi jariya tha is geet ko bayaa karne ka lekin aaj mere ek dost(Ankit) ki badolat aaj wo shubh muhurat aa hi gaya....

Nadi kinare shyaam jaaya na karo
mithi mithi baansuri bajaya na karo....

baansuri ki ter sunkar bacche chale aate hai
padhna likhna chod kar darshan karne aate hai
baccho ki aatma sataya na karo
mithi mithi baansuri bajaya na karo....

Nadi kinare shyaam jaaya na karo
mithi mithi baansuri bajaya na karo....

baansuri ki ter sunkar gaaye chali aati hai
charna firna chod kar darshan karne aati hai
gaayo ki aatma sataya na karo
mithi mithi baansuri bajaya na karo....

Nadi kinare shyaam jaaya na karo
mithi mithi baansuri bajaya na karo....

baansuri ki ter sunkar gopi chale aate hai
nahana dhona chod kar darshan karne aate hai
gopiyo ki aatma sataya na karo
mithi mithi baansuri bajaya na karo....

Nadi kinare shyaam jaaya na karo
mithi mithi baansuri bajaya na karo....

baansuri ki ter sunkar rishi chale aate hai
dharna chimta chod kar darshan karne aate hai
rishiyo ki aatma sataya na karo
mithi mithi baansuri bajaya na karo....

Nadi kinare shyaam jaaya na karo
mithi mithi baansuri bajaya na karo....

Kamlesh Parihar, Falna

MERA BACHPAN.....

fir se yaad aa gaye wo bachpan k pal,

jaanta hu ki laut k nahi aa sakta wo beeta hua kal.....

homework complete na karne pe teacher murga banate thay,

jhagde se le kar padoshiyo ke shishay todne k complain ghar pe aatay thay...

galtiyaa karnay par papa joor ki dant lagatay thay,

fir jab mai rooth jata to apne gaud me bitha k dheemay dheemay jhula jhulatay thay...

saam k waqt jab bhi gangautri ice-cream wala galiyo me aata tha,

mai jhat se paise maangnay ko maa k pass pahunch jata tha...

raat ko jab so jaya karta to maa mujhay jaga k doodh me rotiya dubo k khilati thi,

need khul jane pe mujhe loriya suna k dubara sulati thi...

nangay piar patang lootnay nehru colony, subhash road or college ground tak jaya karta tha,

rooz saam ko apnay dosto k saath cycle race lagaya karta tha....

sach me ,bachpan k yadoo k saamnay aaz jawani feeki par jati hai,

sarratat k us pal ko fir se taza kar jati hai.....

WRITTEN BY:
Kamlesh Parihar
(24/05/2003)

it's my first blog

Kuch Dost aise hote hain ,
Jo dil main bas jate hain.
Jo zindagi ki rahon main ,
hum se bichar jate hain.
kuch dost aise hote hain ,
jo raat main yaad aate hain.
aur raaton ki tanhaai me rulaate hain ,
kuch dost aise hote hain ,
jo phoolon ki tarah hote hain.
jo khud to chale jate hain,
per apni mahek chor jate hain.
kuch dost aise hote hain ,
jo zindagi tor dete hain.
per zindagi ki raahon me tanha chor detey hain.
kuch dost aise hote hain,
jo chaand ki tarah hote hain ,
jo daag to bahut rakhte hain per
khubsurat nazar ate hain.
kuch dost aise hote hain ,
jo patthar ka dil rakhte hain ,
jo shisha-e-dil tor jate hai,,,,,,,,,,,,,,,